ننګرهار او کونړ کې زلزله؛ د مړو شویو کسانو شمېر ۱۵۰۰ ته لوړ شوی
ځایي طالب مسوولان وایې چې په کونړ او ننګرهار کې د وروستۍ زلزلې له امله مړو شویو کسانو شمېر ۱۵۰۰ ته لوړی شوی او د ټپیانو شمېر له ۳۰۰۰ زیات شوی دی.
د رسمي سرچینې وایې دغه شمېرې شېبه په شېبه د لوړېدو په حال کې دي او دغه راز د یادې زلزلې پرمهال د تخریب شویو کورونو شمېر تر څلور نیم زورو رسېدلی او لاهم په ځېنو سیمو کې د زلزلې ټکان محسوسېږي.
ځایي سرچینې تایید کړې چې په سیمه کې د ژغورنې عملیات د لارو د خرابوالي، د امکانانو کموالي او د بشري ځواک د کمښت له امله ورو پر مخ ځي او همدا لامل دی چې لاهم په زیاتره سیمو کې ژغورونکې ډلې تر کنډوالو لاندې بند پاتې کسانو په راوېستلو بوخت دي.
د افغانستان په ختیځ کې له زلزله ځپلو کورنیو سره ملګرو ملتونو او د سیمې او ګاونډیو هېوادونو د خواخوږۍ په څرګندولو سره د همکارۍ لپاره چمتووالی اعلان کړی او د ملګرو ملتونو یو شمېر مرستندویه ډلې سیمې ته لېږل شوې دي.
دا زلزله د روانې اوونۍ د یکشنبې پر شپه شاوخوا ۱۱:۱۷ بجې، د کونړ، ننګرهار، لغمان او نورستان ولایتونو ځينې برخې ولړزولې.
د امریکا د ځمکې پېژندنې ادارې د مالوماتو له مخې د دې زلزلې شدت د ريښتر په کچه۶ درجې و او مرکز یې د کونړ ولایت له مرکز اسعدآباده ۲۵ کیلومتره لېرې ثبت شوی. د زلزلې ژوروالی ۳۵ کیلومتره ښودل شوی.
