عظمت عمرزي د کرکټ یو ورځنیو نړیوالو سیالیو الراونډرانو لومړی مقام خپل کړ
د کرکټ نړيوالې شورا په تازه درجه بندۍ کې د افغانستان کرکټ ملي لوبډلې لوبغاړي عظمت الله عمرزي یو ورځنیو نړیوالو سیالیو د الراونډرانو په درجه بندۍ کې لومړی مقام خپل کړی دی.
عظمت الله عمرزي د چمپین ټرافۍ کرکټ په وروستیو ۳ سیالو کې۱۲۶ منډې وکړې او ۷ لوبغاړي یې وسوځول.
پر دې سربېره د ملي لوبډلې بل لوبغاړی محمد نبي بیا دې درجه بندۍ کې دویم، راشد خان شپږمه درجه او د کرکټ ملي لوبډلې پیلیز توپوهونکي ابراهیم ځدراڼ بیا د یو ورځنیو نړیوالو سیالیو د توپوهونکو په درجه بندۍ کې لسم مقام خپل کړی دی.
د یادونې وړ ده چې محمد نبي د شل اوریزو سیالیو په درجه بندۍ کې هم ۵مه شمېره غوره آلرونډر انتخاب شوی دی.
