افغان ورزشکار علي بلال د ارنولډ کلاسیک فیزیک سیالیو اتلولي وګټله
د بدني ښکلا افغان ستوري علي بلال د امریکا په لاس ویګاس کې د ۲۰۲۵ کال د «ارنولډ کلاسیک فیزیک» سیالیو کې اتلولي په خپل نوم کړه.
د بدن جوړونې دې افغان ورزشکار تېر کال د مستر المپيا سیالیو کې هم ګډون کړی و چې دویم مقام موندلی و او هڅه کوي چې سږ کال بيا په دې سياليو کې برخه واخلي.
په دې بریا سره علي بلال لومړنی افغان لوبغاړی شو، چې د بدن د ښکلا په تاریخ کې د ارنولډ کلاسیک سیالیو اتلولي ګټي.
تر دې مخکې هیڅ افغان لوبغاړی د بدن د ښکلا په کوم کټګورۍ کې اولمپیا سیالیو ته نه دی تللی.
د سږ کال د «ارنولډ کلاسیک» سپورټ سیالۍ یا فیسټیوال څو ورځې وړاندې د امریکا د اوهایو ایالت په کولمبس ښار کې پیل شوې وې.
علي بلال په اصل د افغانستان د بغلان ولایت اوسېدونکی دی.
