طالبانو په کابل کې د زدهکړو یو فعال نیولی

په کابل کې ځایي سرچینې وایې چې په دغه ولایت کې د طالبانو د استخباراتو له خوا د وزیر خان په نوم د زدهکړو یو فعال نیول شوی دی.
سرچینې ویلي چې نوموړی له تېرو شپږو ورځو راهیسې د طالبانو په بند کې دی.
د مالوماتو له مخې وزیر خان د کابل په«بت خاک» سیمه کې د کوچنیو نجونو او هلکانو لپاره څو سيمه ايز ټولګي فعال کړي وو او د نجونو په ګډون يې لسګونو زده کوونکو ته د زده کړو زمینه برابره کړې وه.
طالب چارواکو تر اوسه په دې هکله څه نه دي ویلي.
پر هېواد د طالبانو له واکمنېدو وروسته دغې ډلې له شپږم ټولګي پورته نجونې له زدهکړو منع کړې.
طالبانو له دې مخکې هم د بېلابېلو پلمو له کبله د زدهکړو حقونو یو شمېر فعالان نیولي او بندیان کړي دي.
له دې څو میاشتې وړاندې یې په هرات، میدان وردګ او د هیواد په نورو ولایتونو کې هم طالبانو ځینې فعالان نیولي او بندیان کړي وو.