طالبانو په افغانستان کې نویو ټلویزیوني شبکو ته جواز ورکول بند کړل
د طالبانو تر واک لاندې د اطلاعاتو او فرهنګ وزارت په داخل کې یوې سرچینې د نوم نه خپرولو په شرط ویلي چې دغه وزارت په افغانستان کې د ټلوېزیوني شبکو په ګډون، هېڅ تصویري رسنۍ یا یوټیوب چینل ته د فعالیت جواز نه ورکوي.
د سرچینې په خبره دغهد اطلاعاتو او فرهنګ وزارت دا پرېکړه له هغه وروسته کړې چې د طالبانو مشر هبتالله اخوندزاده په رسنیو کې د ساه لرونکو انځورونو پر خپرولو بندیز ولګاوه.
د سرچینې د مالوماتو له مې ځینو کسانو د خپلو ټلوېزیونونو لپاره د جواز اخیستو په موخه دغه وزارت ته ورغلي، خو په وینا یې، یاد وزارت یې عرضپاڼې رد کړې دي.
تراوسه د اطلاعاتو او فرهنګ وزارت په دې اړه په رسمي ډول څه نه دي ویلي.
دا په داسې حال کې ده چې د طالبانو امربالمعروف وزارت د هیواد په نږدې لس ولایتونو کې له رسنیو د ساهلرونکو تصویرونو پر خپرېدو بندیز لګېدلی او دغه راز طالب مسوولان له انځوریزو مرکو هم منعه شوي دي.
د طالبانو د یادو بندیزونو له کبله زیاتره رسنۍ تړل شوي او خبریالان یې بې روګاره شوي چې اوسمهال له زیاتو اقتصادي ستونزو سره مخ دي.
