د «کابل انتقادي مکتب»: افغان مېرمنې له پامه غورځول شوي

د «کابل انتقادي مکتب» په نوم بنسټ یو شمېر غړو د ښځو نړیوالې ورځې را نږدې کېدو ته په اشارې سره ویلي، چې په افغانستان کې د طالبانو د واکمنۍ پرمهال افغان مېرمنې په تیارې کې پرېښودل کېږي.
د یاد بنسټ څخه په خپره شوې خبرپاڼه کې راغلي چې په نړیواله کچه د ښځو پیوستون د افغان مېرمنو له ګډون پرته هیڅ ارزښت نه لري.
خبرپاڼې زیاته کړې چې افغان مېرمنې نه یوازې د خپل ځان لپاره بلکې د یو ګډ ښځينه هویت لپاره مبارزه کوي او په دې برخه کې یې له نړیوالو د همکارۍ غوښتنه کړې ده.
دغه بنسټ له دې واندې هم د نجونو د ښوونځیو او پوهنتونونو تړلي پاتېکېدو ته په غبرګون کې د طالبانو پر حکومت نیوکه کړې وه، چې طالبانو افغان نجونې له اسلامي او شرعي حق څخه محرومې کړي دي.
د دغه ننسټ ویلي و، له شپږم ټولګي پورته د نجونو ښوونځیو او دغه راز د پوهنتونونو د نه پرانستلو او ټولنې څخه د ښځو څنګ ته کول ښيي چې د ښځو له حقونو سره سیاسي معامله کیږي.
دا په داسې حال کې ده چې طالبانو د خپلې تېرې درې کلنۍ واکمنۍ پرمهال پر افغان ښځو او نجونو محدودیتونه زیات کړي او دوی له حپلو بنسټیزو حقونو بې برخې کړي دي.