ناپېژنده وسلهوالو په پروان کې دوه ورونه په ډزو وژلي
د پروان سیمه ییز مسوولان خبر ورکوي چې ناپېژنده وسلهوالو په دغه ولایت کې دوه ورونه په ډزو وژلي دي.
د پروان د امنیې قومانداني لپاره د طالبانو ویاند فضلالرحیم مسکینیار وایې، دا پېښه تېره شپه د جبلالسراج په «مناره» سیمه کې رامنځته شوې ده.
د نوموړي په وینا یاده سیمه کې ناپېژنده وسلهوالو دوه ورونه چې کروندګر وو، وژلي او خپله له سیمې تښتېدلي دي.
د هغه په خبره تراوسه د یادې پېښې انګیزه څرګنده نه ده، خو دوی په اړه پلټنې پیل کړي دي.
په دې وروستیو کې د هیواد په مختلفو سیمو کې دا ډول پېښې زیاتې شوي، چې مسوولان یې تر ډیره لامل شخصي دښمنۍ بولي.
