طالب چارواکو د اروپایي ټولنې له استازو سره په لیدنه کې په مختلفو برخو کې د مرستې غوښتنه کړې
د طالبانو د ریاست الوزراء سیاسي مرستیال مولوي عبدالکبیر د اروپايي ټولنې له شارژدافیرې وی رونیکا بوسویک پوهار سره لیدنه کړې ویلي، چې اروپایي ټولنه دې د نشه یي توکو د لمنځه وړلو په برخه کې د د بدیل کښت، کاري فرصتونو برابرولو او پر نشه یي توکو د روږدو کسانو په درملنه کې دې ورسره مرسته وکړي.
طالب چارواکي داسې مهال د مرستې غوښتنه کوي چې له دې څو ورځې وړاندې اروپایي ټولنې د یو راپور په خپرولو سره ویلی و، چې په افغانستان کې د تېر کال په پرتله د کوکنارو کښت ۱۹ سلنه زیات شوی دی.
لخوا په پنجشیر لپاره د طالبانو والي محمد آغا حکیم هم په افغانستان کې د ملګرو ملتونو د مرستندویه پلاوي له مرستیالې روزا اوتونبایوا سره په کتنه کې له نړیوالو بنسټونو او مرسته کوونکو هېوادونو غوښتي چې، په دغه ولایت کې د زیربناوو او پراختیا څخه د ملاتړ په برخه کې همکاري وکړي.
په دې لیدنه کې اوتونبايوا په پنجشير کې د امنيتي او بشري حقونو وضعيت ښه ارزولی او ډاډ یې ورکړی چې دغه سازمان په بېلابېلو برخو کې پنجشیر ته پاملرنه زیاته کړي
