د ایرلینډ روغتیا وزیرې: له افغان ښځو خپل ملاتړ څرګند کړی

د ایرلینډ روغتیا وزیرې: له افغان ښځو خپل ملاتړ څرګند کړی
Photo: Social Meida

د ایرلینډ د روغتیا وزیرې (جینیفر کارول مک نیل) له یو شمیر افغان ښځینه فعالانو سره په کتنه کې د طالبانو له خوا د نجونو پر وړاندې د ښوونځیو او پوهنتونونو سربېره د بشري حقونو سرغړونې غندلې دي.

نوموړې زیاته کړې چې افغان ښځو او نجونو ته د عدالت غوښتنې او له هغوی د ملاتړ هڅو به ته دوام ورکړي او په دې برخه کې یې ملاتړ څرګند کړی دی.

له دې څو ورځې وړاندې هم د ملګرو ملتونو د امنیت شورا شاوخوا لسو غړو هېوادونو د طالبانو له لوري د ښځو ځپل غندلی وو.

د یادو هیوادونو غړو دغه راز د طالب مشرانو د نیولو او ځواب ویلو ته د دې ډلې په اړ اېستلو هم ټینګار کړی و.

دغه رار څه موده وړاندې څو هیوادونو د نړیوالې جنايي محکمې د څارنوالۍ له خوا د طالبانو د دوو جگپوړو مشرانو د نیولو په هکله د حکم صادرولو د غوښتنې هرکلی کړی و او په کابل کي یې د دغې ډلې اداره د ښځو پر وړاندي په "سیستماتیک تبعیض" تورنه کړې ده.

طالبانو د خپلې واکمنۍ پر افغان نجونو د زده کړو بندیز لګولی او دغه راز یې دوی له خپلو لومړنیو حقونو بې برخې کړې دي.